ارواحي جاهيتك برواحن الحب ارواحي توحشتك كيما لما لصفاوة ماه
وين العهد لي مع بعض عقدناه
قدامك العام كامل و قساحي حني ليلة على مريض يصيب دواه
نظرة منك شافعة طول نواحي لمسة منك خاطري يصفا بسماه
ارواحي مسي على عمق جراحي شوفي وجهي راه هم شوق كلاه
ملي غبتي غابت معاك فراحي و ذاب الوشم لي بعض وشمناه
ارواحي واستغلي الطيبة واسماحي راه خيالك في منامي نترجاه
ارواحي خمري الشوق لي صاحي و نعيد عليك سر في وذنك محلاه
كتبت عليك كلام كي الشعر ارواحي خير ما نعطيه لسميرة تقراه
ارواحي و جيبي السيف اذباحي راسي راهو ليك غابني بشقاه
ارواحي و صلي المغرب بصباحي و ليلي يا ليلتي ترديلو معناه
ملي غبتي الليل لليل وعاداه
ارواحي بدلي قداحك بقداحي كيسان معمرين بالحسرة ولاه
شيلي من عمري الفرحة وارواحي و عند الصبح نحلفو صبحك ينساه
ارواحي عقلي شواقي وقباحي و قولي لالا كي نقول انايا واه
غير ارواحي وجادلي في تبحاحي و شركي صوتي قبل ما ينطق بهواه
راني خافظ ليك ذلي وجناحي ارواحي نغتبو لي مغتوب قفاه
ارواحي نغتبو جروحك وجراحي ارواحي نغتبو الدهر علي مبداه
خدك مصباح ليلتي يا مصباحي و فمك لي قالها امرو نرجاه
جيبي دلالك غي قبلي و ارواحي انا عبد خديمكم و نجيب الجاه
زناديق بهاك جاييين لصلاحي يجادلو على عشقنا كفو كيفاه
قتليني نرتاح موتي و رتاحي هذا هو سلاكنا وجفاك علاه
شوقك مات وشوقنا مازال معاه
